امريکا د شام په اړوند تګلاره کې په بدلون غور کوي

امريکا د شام په اړوند تګلاره کې په بدلون غور کوي

امريکا په شام کې په خپله تګلاره کې د بدلون تیاری کوي چې د داعش د خپلسره خلافت د مينځه وړلو وروستو د بيا رغونې په لمړو کارونو کې مرسته وکړی شي.

د امريکا په ملاتړ د تير اکتوبر په مياشت کې د داعش د ترهګرو نه د هغو پلازمينه خالي کړی شوې وه او د هغې وروستو د شام سيرين ډېموکرېټک ځواک (اېس ډي اېف) په پاتې علاقو کې په داعش پسې شوی دی.

ويل کيږي د اېس ډي اېف د اثر لاندې سيمو کې د داعش د تندلارو شمېر د ۱۰۰۰ نه کم پاتې شوی دی.

د امريکې د دفاع وزير جېم مېټس ويلي چې د حالاتو قابو کولو د هڅې دا سم وخت دی.

مېټس د جمعې په ورځ خبريالانو ته ويلي، مونږ چې به کومه لاره خپلوؤ هغه به په سيمه کې د قبضې په ځای د بيا رغونې وي، او د هغې دپاره به تاسو په ځمکه امريکايي سفارتکار وينئ.

مېټس د دې خبرې دپاره وخت نه دی ټاکلی چې شام ته به سفارتکار يا نور کارمندان کله وليږي خو ټينګار يې کړی چې دا کار دې بيا د سره نوې جوړونه ونه ګڼل شي.

مېټس ويلي چې دا به يو ډېر مهم کار وي چې ملبه اوچته کړی شي او نورې اسانتياوې په ځای کړی شي بيا اسکولونه پرانستل شي او هڅه به کيږي چې په ځايي الاتو علاقې پاکې کړی شي.

په شام کې به د سفارتکارو او عامې ابادۍ د ساتنې او د داعش د تندلارو د مخې نيولو د روزنې د مرستې په لړ کې ۲۰۰۰ امريکايي سرتيري موجود وي.

مېټس ويلي د امريکا ملاتړي ځواکونه به د داعش د تندلارو وسله والو په ضد مبارزه دوامداره ساتي.

ڈیوہ رادیو


Related Articles

د انډونیزيا پارلماني سپيكر د بدعنوانۍ په تور كښې ونيول شول

د انډونیزيا پارلماني سپيكر د بدعنوانۍ په تور كښې ونيول شول جکارته : د انډونیزيا پارلماني سپيكر د بدعنوانۍ په

ایران د کابل په هوټل د ترهه ګرو بريد وغندلو

ایران د کابل په هوټل د ترهه ګرو بريد وغندلو تهران : (اے پي پي) ایران د افغانستان پايه تخت

سعودي شهزاده وايي هیواد به منځلاري اسلام ته ستون کړي

د سعودي عربستان شهزاه محمد بن سلمان ویلي، هیواد به بیرته “منځلاري اسلام” ته ستون کړي. شهزاده محمد د دغه