چین پاکستان اقتصادی راهداری (سی پیك) لويه پروژه ده. وزیراعظم شاهد خاقان عباسی

چین پاکستان اقتصادی راهداری (سی پیك) لويه پروژه ده. وزیراعظم شاهد خاقان عباسی

د چین پاکستان اقتصادی راهداری (سی پیك) لويه پروژه ده، دې سره به نه يوازې پاکستان بلکه د مينځني اسياﺀ پشمول ټوله سيمه كښې سيمه ايزو رابطو ته وده ترلاسه شي، دا پروژه د ټولې سيمې لپاره يو ګيم چینجر ګڼلې كېږي، فری زون نه غير كوم هم بندرځائ کارآمد ثابتيدې نشي، ګوادر پورټ او فری زون جوړولو سره به د بلوچستان سره سره پاکستان د پرمختګ په پلو روان شي، پاکستان مسلم لیګ (ن) پرمختيائي پروژې د سیاسی بدلون عمل څخه جلا كړې، جولائی كښې به ټولټاكنې كېږي، باور لرم چې نوې حکومتونه به هم د پرمختګ تسلسل روان وساتي۔ د وزیراعظم شاهد خاقان عباسی د دوه ورځني نړيوال ګوادر ایکسپو پرانستې دستورې ته خطاب

ګوادر (اے پي پي) وزیراعظم شاهد خاقان عباسی وئيلي دي چې د چین پاکستان اقتصادی راهداری (سی پیك) لويه پروژه ده، دې سره به نه يواځې پاکستان بلکه مينځني اسياﺀ پشمول ټوله سيمه كښې سيمه ايزو رابطو ته وده ترلاسه شي، دا پروژه د ټولې سيمې لپاره يو ګيم چینجر ګڼلې كېږي، فری زون نه غير كوم هم بندرځائې کارآمد ثابتيدې نشي، ګوادر پورټ او فری زون جوړولو سره به د بلوچستان سره سره پاکستان د پرمختګ پلو روان شي، پاکستان مسلم لیګ (ن) پرمختيائي پروژې د سیاسی بدلون عمل څخه جلا كړې، جولائی كښې به ټولټاكنې كېږي، باور لرم چې نوې حکومتونه به هم د پرمختګ تسلسل روان وساتي۔ د دې خیالاتو څرګندونه ده د ګل په ورځ نړيوال دوه ورځني ګوادر ایکسپو پرانستې دستورې ته خطاب کښې وكړه۔ نړيوال نندارتون كښې غیرملکی شخصیاتو ، غیر ملکی سفیرانو او د ټولې نړۍ سوداګرو ګډون وكړو۔ په دې مهال ګوادر فری زون وړومبۍ برخې پرانسته كېږي كومه چې د چین پاکستان اقتصادی راهدارۍ په ګيټ وے جوړه كړې شوي۔ فری زون سره به د مينځي اسياﺀ پشمول د نړۍ تر بيلو برخو تجارت ته وده ترلاسه شي۔ ده ووئيل د ایکسپو 2018ء مقصد ګوادر بندرځائ او ګوادر فری زون د تجارتی مرکز په توګه رامخې ته كول او د ګوادر پروژو څخه رامخې ته كيدونكې موقعو په اړه خبرتيا پيدا كول دي۔ ده ووئيل دا نندارتون به سرمایه کاری، د روزګار موقعو كښې زياتوالې او تجارتی هلو ځلو ته ودې وركولو له ځائي او غير ملکی کاروباری شخصیات، سرمایه کار او سرکاری چارواكو له د ملاقات يو ښه پلیټ فارم وركړي۔ د نندارتون اهتمام د ګوادر پرمختيائي ادارې او د چین د بهر هېواد بندرځائيونو په اړه د چارو انتظامی کمپنۍ په شريكه كړے۔ دستورې ته په خپل خطاب کښې وزیراعظم شاهد خاقان عباسی ووئيل ګوادر كښې د وړومبي دوه ورځني نړيوال نندارتون او فری زون پرانسته كولو سره زه ډير خوشحاله شوې يم۔ ده ووئيل نن د چین اولس مشر شی جن پنګ او پخواني وزیر اعظم محمد نواز شریف وژن په حقیقت كښې د بدليدو ورځ ده۔ د پاکستان او چینائي قیادت وژن نن يو حقیقت جوړ شوے۔ ده ووئيل زه پھ دې خبره ډير خوشحاله شوې يم چې سی پیك د چینائي قیادت د “يوې سيمې يوې سترې لارې ” تر ټولو ولويه پروژه ده كومه چې په حقیقت کښې بدله شوې ده، دا د اولس مشر شی جن پنګ د اوسني او نوې نسلونو لپاره يوه ډالۍ ده۔
وزیراعظم ووئيل څو ورځې وړاندې ډیووس كښې د نړيوال اقتصادی فورم په موقع د شريك سباؤن او چیلنجونو په سرخط مهمې خبرې اترې شوې دي چې پكښې په سيمه ايزو رابطو لا قوي كولو زور راوړې شوې۔ ده ووئيل ګوادر پورټ، ګوادر فری زون، ایکسپریس ویز، موټر ویز او ریلوے پرمختګ منصوبې د ګوادر، خنجراب او پېښور د كراچۍ سره تړلې شي۔ ده ووئيل دا نه يوازې زمونږ د سوكالۍ او روښانه سباؤن پروژې دي بلکه دې سره به زمونږ د سباؤن د توان حاجت هم پوره شي۔ دې سره به د پاکستان معیشت پرمختګ وكړي او اولس به سوكاله شي۔ وزیراعظم ووئيل د پاك چین اقتصادی راهدری د مالیاتی موزونیت او ماحولیاتی پائیداریت په اصولو اډانه دې۔ زه هيله لرم چې په دې اصولو عمل کولو سره به نه يواځې پاکستان بلکه د سيمې حاجت پوره شي۔ وزیراعظم د فری زون اهمیت رامخې ته كولو سره ووئيل د فری زون نه غير كوم هم بندر ځائ کار آمد ثابتيدې نه شي۔ د ګوادر د استعداد په اړه د څو لسيزو راهسې کار روان ؤ او زمونږ لپاره دا د خوشحالۍ خبره ده چې دا استعداد اوس په يو حقیقت کښې بدل شوې۔ وزیر اعظم د ګوادر پورټ او فری زون په جوړولو كښې د چینائي حکومت ، چینائي کمپنیو، ګوادر پورټ اتھارټی او نورو ادارو مننه كولو سره ووئيل دا يوه داسې پروژه ده چې ورسره به نه يوازې بلوچستان بلکه پاکستان د پرمختګ پلو روان شي۔ ده ووئيل پاکستان مسلم لیګ (ن) پرمختيائي پروژې د سیاسی بدلون عمل څخه جلا كړې۔ جولائی كښې به نوې ټولټاكنې كیږي او چې كوم هم حکومت راشي نو دا پالیسۍ به نه بدلېږي۔ وزیر اعظم باور وركړو چې حکومت دې پروژې ته كوم اهمیت وركړې نوې حکومتونه به هم دا تسلسل په ځائ وساتي۔ ده سی پیك او ګوادر پروژو ته عملی شكل وركولو كښې د چین سفیر او وفاقی وزیر احسن اقبال د هڅو په خاص توګه ذکر وكړو۔ ده ووئيل د پاکستان او چین په هڅو به دا پروژه بشپړېږي۔ د بلوچستان وزیر اعلیٰ عبدالقدوس بزنجو ته مخاطب کيدو سره وزیراعظم ووئيل د كومو مسئلو چې ذکر شوې د هغې د حل كولو لپاره به هڅې كولې شي۔ وزیراعظم ووئيل د بلوچستان سباؤن د بلوچستان سیاسی قیادت په لاس كښې دې ، د بلوچستان قیادت له به د پېښو چیلنجونو مخنيوې كول وي، وفاقی حکومت به پھ دې لړ كښې مرسته كوي۔ وزیر اعظم ووئيل بايد ګوادر يو ماډل ښار جوړ كړې شي د دې ښار جدید ښار كښې جوړولو كښی به خنډان راولاړېږي خو پھ دې لړ كښې به ګوادر ډویلپمنټ اتھارټی او د بلوچستان حکومت له كوټلې کردار ترسره كول وي ۔ دستورې ته د كورنيو چارو وزیر احسن اقبال، د بلوچستان وزیر اعلیٰ عبدالقدوس بزنجو، وفاقی وزیر میر حاصل خان بزنجو او د چین سفیر یاؤجنګ هم خطاب وكړو۔ دستوره كښې د بلوچستان ګورنر محمد خان اچکزي، د بندرځايونو او جهاز رانی وفاقی وزیر جعفر اقبال، د اطلاعات او خپرونو دوهمې وزيرې مریم اورنګزیب ، غیر ملکی شخصیاتو ، سفارتکارو او د بيلو هېوادونو سره تعلق لرونكو نمائندہ کاروباری شخصیات او اعلیٰ سول اوعسکری شخصیاتو ګډون وكړو۔ د دې نه پس وزیر اعظم بټن وهلو سره د نړيوال ګوادر ایکسپو باقاعدہ پرانسته وكړه


Related Articles

د پاك پوځ سرلښكر جنرال قمر جاوېد باجوه د انسټي ټيوټ آف ملټري هسټري پرانسته وكړه

اسلام آباد (اے پی پی) د پاك پوځ سرلښكر جنرال قمر جاوېد باجوه د انسټي ټيوټ آف ملټري هسټري پرانسته

روغتيا غوره اسانيې وركول د حكومت په ترجيحاتو كښې شامل دي۔ د وزيراعظم شاهد خاقان عباسي

د روغتيا غوره اسانيې وركول د حكومت په ترجيحاتو كښې شامل دي۔ د وزيراعظم شاهد خاقان عباسي غونډې ته وېنا

په ۲۰۱۷م کې د پاکستان لویې سیاسي پېښې څه وې؟

په ۲۰۱۷ کال کې د پاکستان په سیاسي منظر کې ډېر بدلونونه ولیدل شول، چې یو مهم پکې د عدالت